মুখ্য পৃষ্ঠা
06/04/2515:32
আঁউসী ৰাতিৰ সপোন
নিশা বোৰ নষ্ট হৈ যায়
সপোনৰ আগমনত !
ধুঁসৰ হৈ পৰে সন্মুখৰ পৃথিৱী ,
বৈ আহে দুগালেৰে এটুপি-দুটুপি
বেজাৰৰ চকুপানী !
নষ্ট সপোনৰ ঠিকনা ক'ত ?
লিপিবদ্ধ আছে জানো ,
কোৰাণ অথবা বাইবেলত ?
মছজিদৰ পৰা ভাঁহি অহা আজানত
তুমি জানো এতিয়া সাৰ পোৱা ?
মনত আছেনে তোমাৰ ,
বৰনাম ঘৰৰ আহঁত জোপাৰ কথা ?
নিশা বোৰ জয়াল মোৰ বাবে !
প্ৰতিশ্ৰুতিৰ দলিলত ,
শেষ স্বাক্ষৰ কৰিব নোৱাৰাৰ অপৰাধত !
অভিমান বোৰ কবৰ দিওঁ ,
কোনো নিজান অৰণ্যত !
বাউলি বতাহে উৰুৱাই আনে ,
তোমাৰ চিতাৰ এমুঠি ছাই !
আৱদ্ধ হয় ৰৈ যায় সপোন ,
মোৰ দুচকুৰ কোনত !
নষ্ট নিশাৰ আজীৱন লগৰী !
আৰ্তনাদ শুনো তোমাৰ ,
উজাগৰি কোনো আঁউসীৰ ৰাতি !
বাধাৰ প্ৰাচীৰ ভাঙি ,
হেৰায় যাম কাল অমাৱস্যাৰ ৰাতি !
© ৰাজু কলিতা
07/12/14
